16/5早上同3 個朋友去大皇宮, 撘taxi 100 bhat,佢地個個著拖鞋短褲, 諗住去到租..
點知...租一件item要100 bhat, 我地計過唔抵...就走左了....
行番出去附近d 店舖, 都有得租...不過太曬太熱，唔想番去了....
之後...o係路上...想截taxi 去siam 行街街, 睇緊地圖應該邊面截taxi 之際, 有位shirt衫打tie既中年泰國叔叔同我地撘訕, 佢話自己係對面間大學既教授，去過香港玩，問我地去邊玩。
傾傾o下，佢就拉我地去對面馬路，介紹我地去當地人既local temple參觀, 之後就去一個叫"royal plaza"既地方買野, 佢話o個度買野平靚正, 紅寶石勁平!!仲話截tuk tuk 去晒兩個地方都係40 bhat, 撘taxi好貴!!
說時遲, 那時快, 佢已經即時幫我地截左架tuk tuk講好價, 叫我地上車。
當時我地都覺得有懷疑, 但心諗是但啦~反正去唔到大皇宮, 去o下local temple 都冇所謂, 車錢又唔貴!!
tuk tuk o個程都好快到, 不過老實講, 下次就一定唔會再撘, 又熱條馬路又大塵, 我地4個人迫埋一齊好論盡, 落車時我仲撞瘀左個pat.....
去到o個個所謂local temple, 大就幾大, 不過冇乜人, 出面影左d相....上到去廟個manager唔比我地入去, 話當地人先可以入去拜。傾傾o下....佢又介紹我地去royal plaza買ruby...紅寶石，佢話老董同董太,洪金寶都有去買(可能佢唔知老董o係香港都幾討厭!!)。
講講o下佢話和尚要出來, 我地唔方便o係度, 就使走我地...
其實佢d 戲比之前個所謂大學教授差好遠, 行番出去, 見到有幾個香港人影相, 準備上tuk tuk....我地咪行埋去問o下囉...
點知大家都係遇上個所謂"大學教授".....此時大家知唔對路, 就決定唔去之後個plaza, 比司機20bhat 就走啦...
老實講撘tuk tuk 都係比左20 bhat, 但我地怕佢之後車我地唔知去邊, or 去到個royal plaza 老屈買貴野, 況且來到bangkok, 每分每秒都好珍貴, 我地都怕蝕左d 時間!!
呢次叫做冇乜捐失,但係大家都要小心d, 咪亂信人!!!
我朋友有同個大學教授同manager 影相...
等我遲d post上來等大家認住佢地!!!
甘既“教授”可能太多，认得一个认唔到地个！
自己小心D就系啦。