2010国庆香港贝澳露营+大澳、长洲、坪洲

期待已久的香港露营,终于顺利出发,安全归来.

9.30:原定下午5:40嘅中旅巴士晚点,幸好6:00就可以开车.于是,正式踏上旅程!虽然路上有少少塞车,但好彩在深圳湾过关的时候还算比较畅通,未至于遇上大长龙.原计划系在荃湾落车—转坐地铁到东涌—希望可以赶上10:20嘅3M到罗屋村.但由于塞车,过关等因素始终都系赶唔上呢班车.只好等11:15嘅车啦!其实从东涌地铁B出口出黎直行,好快就可以见到车站噶啦.但我地从A出口出,兜佐一个大弯,问佐几个人,终于都在最后一分钟赶上佐果班车...真系算好彩喇,如果唔系就要等到00:20先再有车噶啦!(难为TT一个大背囊仲要帮忙拉一个行李袋)呵呵,辛苦晒!
一路上,唔敢有丝毫松懈,皆因巴士系无报站既!心慌慌,惊死会坐过站.在前座大叔的热心指导下顺利落车.此时已经系凌晨了.除佐路灯,一片蟋蟀声之外,周围都非常安静.刚好路上有个大叔与我地同路,于是佢好热心地为我地带路.
终于到达传说中的贝澳喇!国庆假期预料到会系好多人噶喇.果然在门口登记处一问就已经话,满座.既然系甘,唯有随处搵个草地,我地安营扎寨啦!
此时,已经十二点几.一轮搭帐篷,执拾,冲凉之后,终于可以稍作休息了!

ytt763wendy · 2010-10-08 03:16

10.1:今日行程重点:大澳

一早,就俾温暖嘅阳光,动听嘅雀仔吵醒.有种与大自然融入一体嘅感觉.由于风比较大,要透炉生火都比较艰难.呵呵,真系好不容易先煮熟个面...面对住嘅大海,仲未有时间慢慢欣赏.天气好好啊,阳光明媚。
10:00一行6人出发前往大澳.坐1号巴士即可到达,全程山路,好似玩过山车甘过瘾.
大澳地区庙宇林立，设有关帝、杨侯、洪圣、天后等古庙。
大澳有香港威尼斯之称. 据记载，大澳居民利用海边浅滩地势，建造堤坝（护盐围），把围起的部份分成不同的晒盐区。不过盐田时至今日已经荒废了，但大家仍可看见盐田遗址，怀念惜日大澳渔村风貌。
下午1:30结束大澳观光,开始返程.坐1号巴士,我地兵分两路,一路直接坐到梅窝总站,在附近的百佳购买物资,今晚准备烧烤.另一路先打道回营地,霸占烧烤位.下午嘅太阳,简直可以用毒辣黎形容.晒到人都变干蒸。
下午6点，又到精彩既日落时间。

ytt763wendy · 2010-10-08 03:22

10.2今日行程重点:梅窝码头—中环码头—长洲—坪洲

从贝澳营地出门,到贝澳新围村(或罗屋村都可以)坐1号,2号,3M巴士到总站,即到梅窝码头.费用系$3-7蚊不等.根据我地坐佐几次嘅经验总结出,坐1号巴士系最平嘅.而3M就不设分段收费.2号巴士因车辆唔同,亦都会有唔同嘅收费!
8点出发前往梅窝码头,唔使10分钟就到达梅窝码头啦.途经南山营地...踏上开往中环码头嘅新轮渡,普通座票价约为$17蚊.阳光依然好好,海风都好猛烈.因为距离唔算好短,抵达中环码头大概需要45-60分钟嘅船程.所以,呵呵,我地可以抓紧时间小憩一阵,补眠!要提醒一下,如果佐系窗边最好就记得关窗.因为不时会渐起浪花,如果唔关窗,肯定会令你湿身...
到达中环后就马上坐上前往长洲嘅轮渡,票价大约$11.如果你想快d都得,仲有快船可以选择.票价大约系$22.5,全程35分钟.但经过两次香港嘅游荡,有碍于车费实在贵,再加上系公众假期就贵上加贵,我实在系唔舍得出多一倍的价钱,所以选择佐普通轮渡.唔知点解,呢班船好似特别慢.再加上无任何风...令人昏昏欲睡.训醒佐两三次,终于都捱到佐长洲!(真系辛苦晒啊!)全程约为1小时.都岩既,一分钱一分货.你赶时间咩?你想舒服d咩?俾多几蚊咯...生活中多数系有钱人无时间,所以愿意用金钱去购买时间;而大部分无钱人有时间,就只能浪费时间去等,以节省金钱!老实讲,我系无钱人,过黎度假有的是时间,哈哈...用TT的一句说话,时间是用来浪费的!(哩句话系系鼓浪屿学翻黎既)
一行出码头.热浪同猛烈嘅阳光扑面而来.我地决定跟大队往右行.长洲系个香港着名的旅游景点，岛上除做有唔少观光名胜，更加多嘅系游客!长洲风光如画，渡轮码头沿岸一带非常热闹，有好多店舖同摊摊档售卖肉食、海鲜、水果等,而且仲有三轮车出租。我地首先经过佐张记,不过因为好多人,所以觉得走嘅时候再入去试下.行佐下天后宫,洪圣古庙,市集.由于酷暑难耐,未行晒所以景点,就决定往回走喇!在市集买佐杯金银花茶,有冻有唔冻($5一杯,$7蚊一只)都几正...有消暑功效!张记下午呢个时间都少人佐,我地一人点佐一碗鱼蛋粉同墨鱼丸面(约合$36)!好味与否,见人见智啦,个人觉得,值得一试既，毕竟历史悠久!
临走之前,俾我地发现一档甘永泰鱼蛋劲多人排队!一定系好好味噶喇...我地决定博一博跟住排队.幸好最后一分钟刚刚好赶上轮渡前往坪洲.4粒(俗称4宝)$10,味道同口感都唔错,热辣辣够新鲜!
往坪洲轮渡,票价约$11.今次就好好多,至少有空调,唔使热到咩甘!坪洲相对于长洲要细,过佐正中午,太阳收敛佐唔少.所以基本上我地都行佐整个坪洲,呵呵,除佐五指山无上去之外,东湾,龙母庙,永安街,渡轮码头堤岸....