第一次穿越火凤线~第一次系磨坊发帖~~~菜驴+新手——期待得到大家的支 ...

首先，要多谢冰冰TX带我穿越闻说左好耐既火凤线

为左纪念我第一次穿越传说中的火凤线，我认真咁边走边拍边记录

虽然期间有d意外发生，但系我觉得咁仲更加有意义~~~不过事后捻翻起，我觉得我地都几大胆

唔知道，三个钟头从火炉山北门走到上凤凰山顶咁既速度，合格唔合格呢

好，流水账图文日记开始

2010.11.21 周日 晴

8点40分，我地系火炉山南门的B11总站碰头（偶遇sky兄~~~不过就一直未再见到！）

系冰冰的领路下，我地由小路开始进入火炉山的第一个急升坡~~据说爬少左好一段HOHO

偶遇一群小盆友~~好厉害，精力旺盛的样子，有的着住“白饭鱼”就系咁往前冲；有的身上背着小背囊，手提环保袋；有的还背着防潮垫......真系后生可畏啊

我地用左大概半个钟左右既时间，就去到大石头呢度啦，然后就沿住旁边小路继续前进~~~

呢块应该就系有名的猪仔石了吧~~它同猪仔山有无关系既呢？

10:15，我地去到呢间有名既“强兴牛奶”每人饮左一支酸牛奶：3元/支~~~都唔平噶~~~不过好受欢迎，人气好旺

10:25，我地出火炉山北门，向住猪仔山行去~~~途中见到一棵棵长粉红色花既树（唔知系咩树？），仲有白色花的，不过我觉得蓝天下，粉红色花更加抢镜~~~~下面的小花系牛奶店旁的，冰冰话系“麻花”喔

猪仔山的小急升坡，一路见到好多绑住红丝带标记既树~~~~好有心既驴友啊~~~我地后来先知，原来有红丝带指引既，系传统路线，无既就系非传统路线~~~不过对于我呢d菜驴黎讲，即使有红丝带，都唔知指引去边~~~

我地系猪仔山to凤凰山行进中~~~行到身水身汗

约11:00，我地行到呢度~~~发现路标

最近天气都好好，太阳都几猛，好在我地大部分的路都有树荫，要不然，又被烤焦了~~~

凤凰山途中，风景唔错~~~唔记得冰冰话，对面既山头，系火帽线？如果去左果边，就可以睇到我地今日行过既山头，颇有成就感喔~~~有机会去感受下先

见到一个又一个坡，以为尽头就系山顶，点知高出未算高，一坡还有一坡高~~~

不过好多山路都绿树成荫，时不时有山风吹黎，都几舒服噶~~~~

中间图既尽头，就系凤凰山顶啦~~~~1.2.3加油啦~~~~

12：00~~~上到凤凰山顶啦~~~偶遇飞草兄~~~总是谦虚地话自己系菜驴的强驴

仲偶遇到冰冰群既小金TX，派左张“蓝天救援队”宣传单比我地~~~~后来遇到意外，我地居然唔记得打上面的求救电话~

又见路标~~~~此处系1，头先系2~~~咩意思呢

系山顶作短暂性休息，就准备落山啦~~

一路上，同冰冰猛讲山下既烧鸡，宜家，烧鸡就快到手了~~~

当时，我地面前有两条路，一条系靓靓既石阶楼梯，另一条系山路仔~~

我地当时觉得，山路会唔会系捷径呢，犹豫左几秒，就决定行山路~~~有意思d嘛

点知，就系呢个决定，我地多行做成个钟的路程~~~

不过，就系呢个决定，我地行左条非传统路线~~~

然而，就系呢个决定，我地错有错着，有左一次意外的体验~~~~

由此望果个水库，好似好远咁，谁料到，我地等间就会同它黎个近距离接触~~~

我地沿住楼梯级旁既山路落山，一路都系树荫下既落山路，我地以为好快就会落到水库，食到烧鸡~~~

但系行下行下，冰冰觉得越来越唔对路，方向唔多啱，当时我地真系一路向北~~~同我地既目标水库唔同

当时我地又唔想行回头路，后来，发现出左一路向北的山路外，左手边有一条分岔的山路~~~又到抉择时刻了

一直行的路，有两棵绑住红丝带既树；而分岔路就咩标记都无~~

但系一直行，方向貌似向住帽峰山方向

于是，我地就决定行果条分岔路睇睇咩环境~~~

结果，一路行见到两边都系新掘的山路，虽然有路，但系好似唔多有人气咁~~~

环望四周，除左山啊，树啊，草啊，泥啊，就得我地两个人~~~

我地当时依然唔甘心沿路返回~~~

我同冰冰讲，相信一直行，我地就一定可以行到落去噶啦~~~

一个转弯位，真系见到个水库了

我开始有点开心啦，行左咁耐，终于见到目标水库~~点知，冰冰话，呢个系水库既尽头了，黎我地计划既地方远左好多

OMG~~

不过，点到好，总算见到水库，见到有房屋，就应该有人，应该可以稳到人帮手吧~~~谁知道此乃我一厢情愿既惗法

我地继续沿山路行，行到某处，见到一条继续向住唔知边度既小路~~~~

冰冰话，唔知呢条路行去边，我地黎个水库又越离越远了~~~

此时，见到呢条小路既反方向有个草丛，貌似有路向住我地想去既方向

于是，我地就钻左入去，企图闯出去~~~~

点知越行越唔对路，周围都系杂草野花，比我地仲要高既芦苇~~~越行越无路

唉~~突围唔成功，出翻去先得~~~~行翻出草丛，发现我地周身都黐住d“黐头芒”，头发上面都系d芦苇种子~~~真系狼狈~~~

我地对住山下既屋大叫：喂~~~有无人啊~~~~我地荡失路了~~~系上山点先可以落山啊~~~~~~

点知无人回应~~~终于体会到咩叫“叫天天不应，叫地地不灵”了

就差未打电话求救了~~~

当时，我地身上水又就快无了，又无乜干粮~~最后作左一个最无奈，最唔愿意既决定~~~~沿路返回吧~~~

就系我地向后行左几步路既时候，我抬头一望~~~~

哇~~~~~出现左一位老伯伯~~~天啊~~~终于见到人了~~~~

而且，老伯伯后面仲有一班人，都系d强驴人物

太好了，见到大部队，我地有救了~~~~

真系有种想冲上去拥抱他地既冲动~~~~

原来，系我地入草丛前见到果条小路就系落山既正确路线，只不过它系一条U型路线，绕一个弯就会向住水库的方向，行翻大路了

老伯伯话我地唔够坚定~~~

果班强驴TX话我地路都唔识，就居然贸然行呢条非传统路线~~~

他地知道我地手杖都无条的情况下就想自己系草丛中开条路出黎，唔知心里面系咪都笑我地太傻太天真呢~~~~

听强驴TX们介绍，如果我地沿著石阶楼梯落山，半个钟头就可以；而我地行呢条山路，就要行多一半有多既时间~~~~

其实，时间行多左都唔系问题，而且我觉得行d山路比行楼梯有意思

问题系，我地唔识路，唔识方向，无装备就乱闯~~~宜家捻起身，真系~~~~

跟住强驴TX们，我地好快就行翻去大路~~~

见到间学校旁边有士多，因为冰冰TX要赶住落山，本来打算买d野饮之后就继续赶路，但系最后决定都系食埋野先啦，都唔差果d时间

一人一支维他奶先~~~~好好饮啊~~~唔系~~~系特别好饮~~~

然后，再一人一支脉动，补充能量~~~最后，两个人叫左一碟炒米粉，一碟炒青菜~~~

有人提醒我地，炒粉一定要同店家讲“少盐”啊~~~

对住呢个系一个多钟头前仲系黎我地好远既水库吃住野，真系不知多少滋味在心头呢~~~

最后因为有冰冰TX，免费搭左个顺风车去到最后两公里路之外的公交车站

有美女同行，果然有着数，(*^__^*) 嘻嘻

到此为止，算系结束左我今次第一次既火凤线穿越了

虽然意外迷路左，但系终于都系有惊无险咁化解左~~~

而且错有错着，原来山下d烧鸡店全部关左~~~

如果按我地计划，可能中午就无野食，我地要饿住翻市区再觅食噜~~~~

再次验证古人一句名言：“塞翁失马焉知非福”