瑞典，我的最後一個暑假【來自2an1】

今日開學日，適逢自己心血來潮，人總係會唔知幾時被某樣嘢激發懷舊，嚟佐，就嚟吧。

翻開相冊，自己最鍾意嘅一張就係佢。當年我哋仲搞佐嘅集體交換相片聚會，呢張可謂人見人愛，車見車載由於係膠片掃描，所以當年每一張相，我都起佐中文標題，有啲好煽情，依家睇落好搞笑。呢一刻，我決定保留當年嘅題目，我就係鍾意。

【燈塔】

呢張係響瑞典到芬蘭嘅度假遊輪上影的。由於係歸程最後嘅一個消遣節目，漂流佐兩日一夜，日出啦，日落啦，都睇佐。
【海上的日落】

係唔係會問，當年點解會去瑞典？我哋唔係去旅遊，係去比賽，或者叫觀摩世界定向越野賽。可能有團友覺得係參加比賽，反正我係觀摩了。
【終點處】

【比賽現場地形】之一

至於乜嘢叫 “定向越野”，google下就得啦。其實呢度應該有好多人識呢項運動吧，反正我依家冇玩咯。

當年我攞住部傻瓜機，奧林巴斯OZ80 Zoom（搵佐好耐，先至響網上搵到型號，當時我只係學生，只係一名未摸過想過相機嘅學生！）由於出國，阿媽先至特批俾我帶部相機出去，哈，我覺得，我有啲仔好似大鄉里出省城嘅feel。

【我們的宿舍】

我哋住響一間學校嘅宿舍里面，由於當時放暑假，學生都撇曬，先至可以俾我哋入侵，菲林有樣唔好，就係唔捨得隨便影，依家睇嚟，當年影得太少啦，我應該帶部DP1過去，穿越！穿越！

撇開比賽觀摩（冇錯，我依然定為觀摩），我哋都係得行下、企下，到處睇下。參觀之外，就係參觀。我又唔識英文，跟住隊友一起走，有時都會不自覺咁影幾張。下面呢張有啲意思，當時係想影樹的，結果樹黑嘛嘛，唔知點解。
【比金子還漂亮！】名係有啲……嗯，頂唔順可以跳過，應該叫【湖畔】

依家知道，呢啲叫剪影，睇下，都幾靚嘛，好彩曬佐出嚟。

西餐，唔係人人吃得慣。當時有餐自助餐，某領隊老師抱怨：就得呢啲生菜？！（其實係沙律），反正我見乜吃乜，再講，後面幾日行程嘅米飯話俾我聽，瑞典人，係唔識煮飯的！終於發覺自己識洗米煮飯係一門手藝！（當時）
吃飯總有休息時間，我嘛，鍾意一個人到處走下，雖然唔可能唔可以唔俾走遠。
【該休息了~~】

【擁有一部就好！】

我記得，我哋響斯德哥爾摩有一日白天嘅自由活動時間，超難得啊。不過我就真係唔知自己應該去邊，邊好似依家咁，又攻略，又撈汁。隨便啦，反正自己冇主意，就跟住隊友行咯。其實我自己唔知自己去佐邊噶，依家睇番啲相，都唔知道係邊樹，不過對於我自己，睇相可以激發係腦裏面嘅畫面咯，睇相！

吃個晏仔先，下午返嚟繼續寫埋去。

呢篇只能係一篇零碎嘅記憶碎片，可能只屬於我自己。分享出嚟，有啲私心，係唔係有可能會俾當年一參團嘅故人見到呢？據聞，好幾個人已經移居國外了。

繼續！

瑞典當地建築特色，我冇做過資料搜集，只係將自己鍾意嘅嘢，影落嚟。記得返嚟第一次睇相，阿媽怒斥點解都係得景，冇人（即係我），傳統嘅到此一遊留念照，自我第一次攞起相機就排斥佐，哈哈 :})

最近睇過本介紹瑞典嘅設計類書籍，好似話以下呢張係斯德哥爾摩嘅古城入口，我冇深究過噶，當係咯。我當時真係，真係以為自己只係去佐另一個城市，區別只係見唔到中國人 :})

當時係2000年嘅7月尾，瑞典當地居民據聞都係外出避暑，就得我哋呢班盲毛，頂住烈日，到處走，應該冇防曬呢樣嘢。連呢個詞都好似未聽過，反正我冇聽過

據聞斯德哥爾摩上，好多博物館，我唔知呢間叫乜，亦唔介意，入去避下太陽都唔錯啊。相片好似冇影到。裡面唔俾用閃光燈，我哋失禮嘅偷影幾張，結果都係黑嘛嘛。依家明白啦，菲林有iso，依家數碼相機，可以自己調，當時，相機內估計裝嘅iso100嘅外景菲林，冇所謂啦，外面風光都特別好嘛。

我記得，當時去佐瑞典嘅兩三個城市，乜嘢第二大城市，工業重鎮之類，對於當時嚟講，都係浮雲啊，俾人點嚟點去，冇意見。學生都係被大人愚弄的，邊有依家咁有主見。

陽光普照，我哋參加佐一個嘉年華，當年好新鮮啊，人多都唔覺夠東門多，而且瑞典MM好open，話脫就脫，熱就脫。影佐一張而已，係啊，呢個程度，已經係小弟底線啦，我承認，我保守。

呢對母子，我哋有過去傾計，當然，我係聽而已。聽翻譯講，佢未結婚，只係男女朋友關係。依家知道北歐嘅習慣，男女相愛，并唔一定要結婚，開心就一起，唔開心就分開，呢樣嗰樣嘅權利與義務，政府分得清清楚楚，所以響北歐，唔會出現為佐結婚而結婚嘅煩惱。嘉年華，我要講嘅係嘉年華，當然有表演，仲俾我見到彩虹添！人品爆發！